Nederlandse historische bronnen 4

21 Willem van Oranje aan Jan van Nassau Antwerpen, 13 november 1578^21*

Unser freundtlich dienst und was wir sonst mher liebs und guts vermögen jederzeidt zuvor. Wolgeborner freundtlicher lieber bruder, nach dem jetzundt aus befelch Furstlicher Durchlauts zu Österreich⁴⁷ alle ambter und bevelch des furstenthumbs Geldern biss auff weitere Irer F.D. ordnung und versehung in suspens gehalten werden und wir wegen des erbarn unsers cantzley schreibern und lieben getrewen bittern⁴⁸ von Raesfeldt underthenig ersucht worden E.L. wolten inen vor anderen zu dem munzmaisterampt zu Nimegen insonders gnedig befohlen haben in ansehung dasselbige seine verwandten hiebevor lange zeit bedient.

Also haben wir nicht underlassen wollen (ob wir woll vor andere und insonderheit vor einen Jacob Diericksen genent gleicher gestalt intercediert⁴⁹) inen

21* KHA, Inv. 3, nr. 895¹. Expeditie.

47 Aartshertog Matthias.

48 N.N. Bitters van Raesfelt. Deze was een zoon van Johan Bitters van Raesfelt, tot 1565 muntmeester te Mühlheim.

49 Van deze intercessie heb ik geen correspondentie aangetroffen.

[p. 38]

von Raesfelt dieses ahn E.L. gerne zuvergunnen und daneben freundtlich zu bitten dieweil er (wie wir berichtet werden) zu ermelten bevelch woll bequem und thienlich Ewer L. wollen inen wegen seiner und seiner eltern uns hiebevor erzeigten guttern trew und dhienste dermassen gnedig darzu befurdern helffen damit er dieser unser vorschrifft erspriesslichen geniessen möge. Das würdt ohn zweiffel er gegen Ewer L. in aller underthenigkheit woll zuverthienen wissen undt seindt es auch wir freundtlichen zuverschulden erbottig - - -