Nederlandse historische bronnen 4

20 Willem van Oranje aan Jan van Nassau Antwerpen, 12 november 1578^20*

Monsieur mon frère, Vostre lettre du 3e jour de ce mois⁴² m'a esté très aggréable pour avoir vue par icelle vostre retour en Gheldres en bonne disposition. Le Seigneur Dieu en soit loué. Les Estatz d'Hollande m'ont faict entendre que leur assamblée à Gorrichum suyvant que je l'ay cy-devant requis d'eulx se doibt tenir le 15e de ce mois et qu'ils vous en ont faict advertence, à fin qu'il vous pleust y comparoistre alors aussy comme j'espère que ferez, qui me gardera de vous en faire icy aultre requeste. Seullemant vous diray que quand vous aurez illecq et en Gheldres donné ordre aux affaires, je vouldrois qu'eussiez la commodité de venir ung tour jusques icy pour parensemble communiquer et adviser sur plusieurs choses et poincts d'importance. Vous trouverez noz affaires bien engarbouillez depuis vostre partement, et ce par les esmotions des Wallons, mutinez en Flandres et quelques désordres que si sont passés à Gand, aussy que

20* KHA, Inv. 3, nr. 855. Expeditie.

42 Deze brief is niet teruggevonden.

[p. 37]

l'allée de monsieur le Duc Casimir⁴³ a esté quasi de tous prinse de si mauvaise part. Les Estatz Généraulx et moy avons tant par l'envoy de plusieurs et divers députéz et ce à diverses fois, que aultrement, tasché d'accomoder ces affaires, mais jusques icy y avons bien peu prouffité au grand détriment de noz affaires communes, veu que nostre ennemy lequel aultrement eust peu estre mené à la raison, prenant pied sur ceste division, espère par le moien d'icelle tant mieulx se pouvoir prévaloir de nous. Je dépescheray, Dieu aydant d'icy deux ou trois jours mon secretaire Brunynck⁴⁴ vers Gorichum, qui vous informera du tout plus amplement, et vous assistera aussy, avecq mon trésorier Taffin⁴⁵, qui est desjà en Hollande en ce que je vous prieray de traicter avecq les Estatz. J'avois bien espéré que monsieur van Dorp vous eust assisté, mais le désastre de son emprisonnement⁴⁶ nous a osté ceste occasion. Ledict Brunynck vous portera sur tout particulière instruction. Et cependant ne vous feray ceste plus longue, mes après mes très affectueuses recommandations en vostre bonne grace etc.

43 Johan Casimir, graaf van de Palts, was op 9 oktober naar Gent gegaan. Vergelijk Muller en Diegerick, Documents, II, 540-560, Van de Spiegel, Bundel, I, 50 en Japikse, Resolutiën, II, 230.

44 Nicolaas Brunynck, secretaris van de Prins.

45 Jean Taffin, thesaurier van de Prins. Zijn instructie van 18 oktober 1578 bij Van de Spiegel, Bundel, II, 47.

46 De van der Schueren, Brieven van Van Dorp, I, 257 en 259.