Momus Annalen veur 1833 en XI

[p. 82]

Momesse!

Binne tien joar dan zien het elf volle joare geleye, dat veer euze gooye kameroad Paillas van verleye joar begroave hebbe, en dee noe weer, op algemeyn verlange van alle Momes kinder, en tot spiet van de anti-Momesse, zal opstoon, um de Momes plaiseere veur deeze winter neet mair allein op nuits te doen herleeve, mair um dezelve noch onder de direktie van den hoechlustige Flappinus XI, met den helm geboore, door ey paer veritable Concerte te vermierdere, die us, volgens de preparatieve, get beloave, dat Mastreeg sedert langen tied neet gehuurt heet.

Doa noe eder zaak ey beginsel heet, behalve yn weurs die heet ers twie, zoe heet de zier lustige Hoege Momus Road, dee, zonder de minste verandering geleye te hebbe, het Momes Regiment weer zal regeere en vermake, dee de vrey en de eyndrach zoe glorieus heet weete te mainteneere in eus Mastreeg, alschoen dat de Marokke, de Taïtis en differente andere, in gedurenden oorlog zien,

Gedecideerd, gedekreteerd en geordonneerd:

§ 11. De glorieusen intoch noa eusen Tempel op de 17 NOVEMBER vass te stelle. 'S middags um 3 oore zal Momes Daenen veur alle Momes kinder Koffie à la Polka, gratis schinke, veur elf cents per tass; um zes oore zale zich alle vrywillige Momesse die oan de liefgarde van Flappinus den XI geattacheerd zien, met Peekfakkels op de Vriethoff begeeve, um den Hoeg-lustige Road te accompagneere, en heum de Mastreegse duusternis van het lief te joage.

De cortege zal bestoon oet:

XI min tien Flappinusse XI.

XI min yne hoechlustige kommissarisse van verscheye dimenties met vonkel nui scherpe en nui mutzen oan à la Polka.

IX lantze knechte.

XI chaise zonder peert.

XI peert zonder chaise.

XI en 5/11 muzikante met instruminte zonder omnibus.

Ynen omnibus met twie peert zonder muzikante.

Twie peert met ynen omnibus.

Twie moal elf Momesse es ruters te peert, gecommandeerd door Momes Collega oet de zwarte Ruter, vajer van XI min 1 kinder.

Het Momus corps te lang um te neume.

De Auwen Tied, Jongen Tied en Onnuselen Tied, in hun élégantste vasteloavend costuum.

De cortège slut zich, wie altied, door ynen houp stroatluipers, boere, adelikke en nuischierige.

In den tempel dan oangekomme,
Weurd door yn eder ploats genomme,
Doa zuut me niks es vreug op de gezichter,
Die doa neet by zien, dat zien airem wichter,
Want onder Momes mutz vergit me deks de laste,
Die us mair al te deep doen in eus tesse taste.
Drum, Momesse, geer moot ug prepareere,
Um hiel veul gekke streek te debiteere.

De groete-ceremoniemeister is belast met de organisatie van dee luusterlikken intocht, en euze groet-secretaris met het verbreye en verspreye van dit dekreet.

Zoe gegeeven in het Palys van Plaiseer, op ordonnantie van den Hoege Road.

De Groet-Secretaris,

Baron KRIBBELER,

gebore Stiel.

Moi, grand maitre de ceremonie le grand, à tous présents et absents mon compliment.

Ayant fait connaissance et familiarité avec les ordonnances ci-haut, prispar notre Grand Conseil du Duché de Momus, ordonne et permet:

Que le cortège aura lieu le 17 Novembre prochain à six heures, comme indiqué ci-haut; que tous les individus faisant parti dudit cortège se trouveront à leurs places; qu'un GRAND FEU D'ARTIFICELLERIE aura lieu à 6 heures sur la Place d' Allarme; que toutes les têtes et maisons des enfants de Momus seront enluminées, et que le cortège passera par:

La Place d'Allarme.
La rue Grand Fossé, en traversant la Maison-de-Ville, par la rue Woe me de boere scheert,
La Grande Staat, Place d'Allarme,
La rue Large pour entrer glorieusement au Temple de la Folie,

pour s'amuser un peu, entre nos amis.

Fait et ordonné à la Grand-Ceremoniemaîtrerie, le 11 Octobre 1844.

Baron VAN KATTEPOEKKEL.