Momus Annalen veur 1833 en XI

Yn mysterieuse historie.

Dat Keizers, Keuninge en Prinse onder eine vreemde noam reize, dat huurt me dageliks; mair, dat commis-voyageurs zich doa met bemeuije, dat is gans get nuits.

Mair wat onderscheid is er dan tusse die twie reisende personnages? (Wagt ug wel te myne dat dit weer y reutselke is.)

De Vorste doen dit, um get van hun oanzeen te verleere, en de commis-voyageurs um hei door mie oanzeen te kriege.

De volgende klug gyt bewieze, dat het neet meuyelik is met ei vreemd kleid oet te trekke, mair dat de kunst is er ongescheurd met noa hoes te komme

Eine commis-voyageur, op 8 kilometers noa Mastreegteneer, had zien rinte euverzeen en kreeg de idée, zich ins te goon informeere of Oake neet te koup woar. Onderweege tied gehad heubbende um met zien eige te beroadsloon onder wat tietel heer zou ryze, veel de keus op die van Seigneur de Namur met ein dozyn exceteras.... woe met heer zienen intog maakte in het Hotel du Grand Rhin, en er ein kamer vroagde met eine groette spiegel. Doa heer wis dat 's oavends ein redot mos ploats heubbe, zoe begon heer in dee spiegel zienen entrée, dee heer wilde make, zoe lang te bestudere, tot dat heer meinde dat ein eder op ze gezig had konnen leze dat heer Seigneur de Namur woar. Of het is dat de Oakeneers slecht physionomist zien, mai het ongeluk wilde dat, noa einige ooren allein in de zoal rondgezweef te heubbe, twie Oaker hiere niks anders op zie gezig looze es dat heer de air had van zich schrikkelik te verveele, woerum zie zich dan proposeerde hum het woord te goon adresseere. Euse gedesappointeerde Seigneur had niks geempresseerder te doen, es die hiere dadelik in

[p. 74]

het peur frans op te knuipe: qu'il était Seigneur de Namur, occupant avec Madame sa mère le premier étage de l'hôtel du Grand Rhin, ayant pris un abonnement aux bains St.-Charles, espérant que lesdits bains effectueraient la guérison de Madame sa mère qui était accablée d'un violentrhume dans la jambe. De Oaker hiere hurende dat ze met ei groet personnage te doon hadde en zich neet willende loate oafpinke, hoalde hun beste frans veur den daag um heum de aimable propositie te doen: d'accepter d'eux une légère collation die dan oug neet geweigerd woord. Onder die ligte collatie van noader by kinnis gemaakt heubbende, beloafde zie de Seigneur de Namur van heum 's anderdoag 's meurgens ein vesiet te kommen make, zoe es oug om zien kranke Mama en dan de stad te goon zien. Bang ziende dat zien rol hy al zou oetgespeuld zien, trok heer zoe vreug meugelik de deur oet en goaf order, aon de hiere te zegge: dat heer ein revue van de troppe woas zien die ploats mos hubbe.

Eus hiere woare fidèle op de post en zich van gyn mystificatie douterende ginge de gemetamorphoseerde commis op de paradeplaats vinden um van doa noa de Louisberg te goon.

Noa doezend excuise gemaakt te hubbe, accepteerde heer die wandeling, neet denkende dat ze een tragiek denouemint aan de comedie mos make.

Wie ze op de plein gekomen woare en zich gereed maakde de pyramide op te klumme, vonde ze aon de voot ein familie zitte, woe by zich eenige Mastreegter Dames bevonde, die de Seigneur de Namur, zoe es oug de Oaker-hiere neet onbekend woare. Van beids kante woord gesalueerd en um neet aon de wellevendheid te mankeere, doog heer oug hiel propel zienen hood oaf en stupde zoe gauw meugelik veurby. Mai ziende dat heer de attentie van het gans gezelschap op zich gefixeerd had, begon heer zelfs de hoop te verleere van zich ordentelik van zien Seigneurie te ontdoen.

Zienen inventieve geis kwoam hum te hulp en deeg hum in zoe eene verkierde lag schete, dat eus complaisante hiere meinde dat heer zoe sensibel woas oan het schoen spectacle van de natuur dat heer de nerven geattaqueerd had, wel verzeende dat heer ins mos oetscheije met lagche, zag heer indelik in zien mooijertaal:

Al wat ig ug gesaag had, woas neet woar.

Het is onnudig te zegge, op wat manneer die vreemde toal geaccueilleerd woord: noa hum ein gooy les euver zien gedeplaceerde ambitie gegeve te hubbe, schikde ze hum gans confuis noa zien kranke Mama tou.

Ig geluif dat me dee commis-voyageur de conclusie van de fabel: Le loup devenu berger zou durve rappeleere.

Toujours par quelqu'endroit fourbes se laissent prendre

Quiconque est loup, agisse en loup

C'est le plus certain de beaucoup.