Momus hutspot.
Neuy manneer um de buim in de heuf veur niks gesnoje te kriege.
Dee die manneer liere wilt, begint met zig yn hoes te heure, woevaan den hoof, tege dee van den breevepost - Direkteur oetkump. - De beleefheid van dee Maan gyt taan zoe wiet, dat heer het klynste tekske, wat van ziene noaber euver ziene moer hing, dadelik liet oafkappe, zonder dat heer het nudig vind ug te loate verzeuke van dat zelfs te doen, wie dat onder de goot opgetrokke Burgers ploats heet.
Het ingeschikde steuk veerse, Lof van eus Mastreeg, geteikend I.M. kaan in de annale neet geploats weerde, um reye dat de redactie er niks oet kaan verstoon, en dus zier verlege zouw zien van oan de lezers de explicatie doa vaan te geven. - Oug weurt deen Hoeggelierde Poëet verzeuk, in het vervolg zien producties neet mie met de post te schikken, want veur zoe yn veerse zien vief cente te veul veur de Momus annalen kas.
Woe men zig oan bloetstilt es me de verstendige oaflekt.
Euver ynigen tied zonge twie Dames op yn Concert. Yne fashionnabele jonge mins scheuddelde al met ziene kop, en schynde er neet te vreye euver te zien, toen er zig op yn moal oan ziene noaber adresseerde, zeggende: vindt geer neet dat die juffrouw zingt veur ug te doen loupe goon? Ich vroag exkuis, zag den andere, ig durf hij mie jugement neet in geeve, want het is mie zuster. - Hij euver bedonderd, zag heer: die juffrouw zingt ouch redelik goot, mer het is die ander, die blonte, woe ig van spreek. - Doa heub geer geliek bij, minhier! woas het antwoord; ich heub heur al deks gezag van neet mie veur Ezels te zinge. Dat is mien vrouw.
Auteursrechtvrij