Momus Annalen veur 1833 en XI

[p. 41]

N^o. XI min vyf.
11 juni 1833 en XI.

Gekheid mair neet boete de schroam.
Sagesse des nations.

La publicité est la sauve-garde du peuple.
Flappinus den XI.

Momus electies.

Wat een geschiedenis!
Wat een gebeurtenis!
Voor de Momus Societeit!!!

De 15^de Mei 1844, s' oavens um 6 oore, heubbe zig de Momus kinder vergaderd in hunne Momus Tempel, langs de Vriethof, um rekening te huure doen van de inkomste en oetgoave van het joar 1843 à 1844, en um euvertegoon tot het keeze van yn neuy Regering, die volgens het reglemint joarliks verneuyt moot weerde, hetgeen gans het tegeneuvergestelde is met eus stedelikke regeringen, die ad vitam eternam, tot ploag van de burgery beneumd zien.

Alle groete dignitairs en autoriteite, oetgenomme den adjunk-secretaris en de surnumeraire commies van het Momus bestuur (yn neuy pleutske wat in zeker comité gecreëerd is gewoorde) woaze by dees plegtige vergadering tegenwoordig. Onder andere remarkeerde men, de pruussesse en belgisse Momus consuls, in groete tenue en met de nudige soupiees oan de breuk, hetgeen yne van hun zier schynde te geneere, want oan de moelekes die heer trok, koes men roaye, dat het veur den ierste kier en misschien veur de leste kier woas dat heer ze hauw oangedoon.

Reeds met het krikke van den daag stoake alle de vlagge oet; alle karillons en klokke woaze in beweging; het geschut van de walle bulderde gedeurende de gansen daag; allemaan woas op de byn; hy zoag men bly en doa dreuvige gezigter; de anti-Momusse zoag men allemoal laupe noa de kant van het erme hoes in de Luurestroat, ten ynde zig doa te verstoon euver hun kandidoate; die men daan aug à toute force, moes doen passeere, al zouw men zelfs mooten euvergoon by de steumgerechtigde, met hun te drygen de klanditie kwiet te zien, ingeval dat ze neet veur die kandidoate steumden.

Langzamerhand noaderde de klok van 6 oore, die euver het geleuk van eus Momusland moes decideere. Alle Momus kinder begoave zig reeds, met de vreugde op het gezig, noa de Momus tempel touw, toen men op yne kier, veur de deur, yn verschrikkelikke musicalisse explosie huurde, bestoande oet alle meugelikke eurgels, vioole, fluyte, tromme, clarinette, doedelzakke, aape, greun en geel papegays, etc., etc., die euse brillante S^t-Servoas noa de stad gelok hauw. Wee heet dat bestelt? dat is aller originaals! wee heet dat oetgevonde? vroagde zig yn eederyn, en niemand wis trop te antwoorde.

Yndelik kwoam yn van die ambulante artiste noa de President vroage, en maakde heum bekint dat heer, met zien compagnons d'infortune, de vryhyd noame die serenade oan de Momus Societeit te komme geve, oangezeen dat heur weldoade door hiel Europa bekint zien, et dat ze dus oug ynige hoop in heur stelde um wat reisgeld te bekomme... Onnudig te zegge dat de Momus kas dadelik ope woordt gemaak, en toen zoag men al die ongeleukketige schelleme, yn veur yn, de veurdeur ingoon en de agterdeur, met lachende gezigter, oetgoon, noa, oet hande van de President, get rysgeld ontvangen te heubbe.

Och! geer groete hiere! heyt geer dat touchant spectakel tog konne bywoene! dan heyt geer zeker tot inkier gekomme, en heyt in eur yge gezag: ofschoen die gekke us

[p. 42]

hiel deks de woerhyd zegge, es veer get verdeene, moote veer tog bekinne dat hun Societeyt yn nobel but heet en dat yn eeder, groet en klyn, er deyl van moes make, al weer het daan mer um heur lede, in hunnen onvermeuybaaren iever van vreugd in Mastreeg te bringe en den erme by te stoon, te encourageere.

Um 6 oore weurt de scrutin geopend; eeder Momus deponeert ziene bulletin in yne vaas, dee veul geliekenis hauw met yne sopkomp. Um elf oore nump de President het woord, en gief kinnis van de stoat van financies van de Societeit, euver het oafgelaupene joar.

De ontvangs (in begrepe f 417.67 112 produk van de kollecte van den erme, in de 6 vergaderinge gedoon) bedreug de somma van f 5,537.03 112, en de oetgoave f 4,158.65; dus mie ontvange dan oetgegeve, nederlandsch f 1,378.38 112.

Dees kennisgeving is met ynen algemynen houra geakkeuljeerd gewoorde; me zoag het kontentemint op alle de gezigter, en men hoort van alle kante zegge: mogte alle regeringe oan eus Momus regering exempel numme, dan weermen te minste van alle die kopgelde en opcente bevryt.

Noa dees veurlezing, gyt men euver tot het depouillemint; woe oet resulteert dat de auw Kommissie ynsteummig is ingekose gewoorde.

Um noe te beschrieve wat op dat ougenblik gebeurde, doa is gyn pen in de wereld in stoat touw. Alle Momus kinder spronge dadelik op; in yn gedronge wie de piekel hieringe, en met de glazer in de hand, brogte ze, oet volle boors, de gezondhyd van hunne President en van het Comité. Onmiddelik kwoam het Momus orchester binne, speulende dat schoen auwt leedsche, Où peut-on être mieux, het geen door het gans gezelschap en choeur woord met gezonge. Noa onderyn geknoets te heubbe, vroag de President het woord; in het midde van de groetste stilstand, bedank heer alle Momus kinder veur het vertrouwe wat ze in heum blieve stelle, en gief hun de verzekering, dat heer met neuyen iever de teugels van het Momus gouvernemint zal oanpakke, en alle meugelikke meuyte inspanne um nog mie glans te geeve oan eus Societeit, die tot ier van eus Mastreeg en tot spiet van heur vyande zal blieve bestoon. Mer um dat but te bereiken, rekent er dan oug weer op de behulpzaamheid van de Momuskinder en hoop dat ze noeyt oet het oug zulle verleere hun devise: Gekheid mer neet boete de schroam. Heer kommuniceert ter gelieker tied het plaan van ynige conceerte te geeve deze winter. Um de plaiseere, zoe veul es meugelik, in de Momes Societeit te varieere, en um die zoe brillant es meugelik te make, zal het Comité zig by alle zingende Momezinnekes begeve, ten eynde heur te verzeuke, die concerte door heur talente te embellisseere.^(*) Dees aonsproak is geakkeuljeerd gewoorde door yne Vivat, dee het hoes deed davere; yn eeder heet zig toen by de fles gezat, en de groetste vrundschap en unie heet, wie altied, den hielen oavend teusse de Momus kinder bestande, hetgeen gecertificeerd kaan weerde, door ynige magistroate die oan de deur heubbe komme luustere, en door de klepperman, dee de gansse nag op de Vriethof, tegen euver het Momus lokaal, en vedette, op ziene boek heet geleege.

(*) Veer vernumme op het ougenblik, dat die demarches reeds gedoon zien, en dat ze met volle succès bekroent zien, terwijl alle Dames geaccepteerd heubbe...