Momus Annalen veur 1833 en XI

Momus hutspot.

Eusen hoeglustige President Flappinus den XI heet zien tournée in yn gedylte van het Hertogdom Limburg gemaak, ten einde de wonde in de wien kelders, door de vasteloavend veroorzaakt, te genezen, en is met zien volle gezondhyd en leustighyd truk gekomme. - Zien verwondering is neet klyn gewees, van by zien trukkoms te vernumme, dat onverzigtige grappemekers het gerug hauwen oetgestruyd, dat her, es president van de Momezy, groete onoamgenoam-hyde hy gehad, en dat heum euveral de deur veur de neus woas touw gedoon gewoorde; zoe dat her Bassesse hy moote doen, um weer alles in het goot te legge.

Dee het karakter kint van de President, zal veur zeker, door zien antecedente, de euvertuiging heubbe, dat heer veur niemand Bassesse maak; en wat de rest van dat oetstruytsel oangyt, autoriseert her us, van oan al de Momus kinder bekint te make, dat doa gyne schien van woerhyd oan is, en dat her integendyl, by alle persoone woe her gewees is, en van wat raug zy oag woaze, volgens geweente met alle beleefdhyd, en vriendschap ontvange is gewoorde. - Doa is mer eets wat her neet heet konne begriepe, en dat is de euverdrevene beleefhyd van de rusbewaarders in het kanton Heerlen, die noa Kerkraede zien gekomme, waarschienlik um zig noa zien gezondhyd te informeere; aug heet het heum schrikkelik gespete, van zig neet doa bevonden te heubbe, eum die Hiere veur hun beleefhyd te bedanke, en um hun te euvertuigen, dat de pretendu Champagne dee her doa met groete Hiere gedronke zouw heubbe, heum neet de minste indigestie hauw veroerzaak, en dat, ingeval hun officieuse euverbringers, neet mie cente van hun opsteke, es de Boere wien van de President heubbe gekrege, het heum daan gaar neet verwondert, dat zy zoe good bedeend zien, en zig op den 25 Miert, zoe yne schoenen aprilse ves heubbe loate opbinde, oag um die Hiere, (of degeene die hun geschik heet) neet mie oan dergelieke mistificaties bloet te stelle, zal zien Hoeglustighyd Flappinus den XI in het vervolg incognito ryze; doa door zal her dan aug bevryt zien van door yn garde d'honneur opgevolgt te weerde; eets woe her ynen duvelsen hekel oan heet, want her is euvertuigd, dat van de honderd doezend die dat doen, honderd en elf doezend die komedie oet yge belang speule. Euverigens doa gyt joa aug niks bove de vryhyd, en bezunder de geillimiteerde vryhyd die men in eus lentje respireert; want wee in de werelt zouw dat geleuve!!! dat es men vief doag in yn deurp vernagt, de Politie doa door zoe geintrigeerd is, en de neuyschierighyd zoe wiet pousseert, dat ze commise, huissiers en allemaan op byn zette, um zig euveraal te informeere wat geer zoe lang doa doot, wat de minsse met ug te doen heubbe, en bezunder wat geer met de Fransman te doen hauwt.

O Tempora! O Mores.

Dat wilt zegge; kos zoe get, het opperhuyt ens weete.

On demandait à un poète pourquoi il n'y avait pas de mariages dans le Paradis: c'est, dit le poète, qu'il n'y a pas de Paradis dans le mariage.

Un célèbre buveur, à l'article de la mort, pria un de ses amis qui était à côté de son lit, de lui apporter un gobelet d'eau, en lui disant: à la mort, il faut se reconcilier avec ses ennemis.

In eusen toekommende nommer zeulle veer ynige artikelkes geven euver de doeve, en bezunder euver dat soort wat men kropper heet, en wat zier gevaarlik schynt te zien veur eus annale.