Discours
oetgesprooke op de Momus vergadering van den 13 December 1843.
‘Mille Mali species
Mille salutis erunt.
Dat wilt zegge, volgens Horatius Cocles:
Genoeg gooi remedies, woare mer gooi dokters.’
‘Muse, raconte moi les débats salutaires
Des docteurs de Maestricht et des apothicaires,
Contre le genre humain si longtemps réunis,
Quel Dieu, pour nous sauver, les rendit ennemis.’
Me vind onder de dokters van Mastreeg,
Zeker veul verstand, en oug hiel veul leeg;
Eynige zien precieus by de kranke,
Mer moot me dat oan hun talente danke?
Of roaje ze den halven tied der noa?
Es geer mig dat vroag dan zek ig ug joa!
Doa van goan ig ug yn exempel geeve,
Dan zeet geer wie ze speule met eur leeve!!!
Euse venerabele president,
Euse groetste gek, dee charmante vent,
Hauw ins yn fluxie op zien wang gekreege
En hauw elf weken in zien bed geleege;
Mer elf dokters woorte geconsulteerd,
Elf recepte woorte geordonneerd.
Den ierste wou spoanse vleege d'rop vrieve,
Den twiede wou 't met purgeere verdrieve,
Den derde hauw yn mixtuur g'ordonneerd
Van get krissiewater gecomponeerd,
De veerde, dee het nog beter wou kinne,
Wou direk met laveminte beginne,
De vyfde, de jongste van alle moal,
Dee zag hun: ig bin van Broussais zien schoal,
Joa! ig durf het zonder angst riskeere
Euse president te magnetiseere!
De zesde dee zag: loat heum pille slikke
Neet mie est dry, mer dry duvelse dikke,
De zevende wou heum poujers veur schrieve,
Den agde wou het met fistels verdrieve,
De negende wou heum bloodzukers zette
Veur de rous in moag en long te belette,
Den tiende wou heum doen baajer gebruuke,
Den elfde wou heum Bordeaux doen ruke.
Alzou tot Capita, tot Sensus, gaar neet accoord
Zat ig de hiel faculteit oan de poort.
En ig ging mig dadelik presenteere
En met de president ins raisonneere.....
En ig zag: dat et me gedivageerd
Wie yn lavemint spruit geresonnerd,
Die komme ug get kullage verkoupe
Loat die kerels tog noa de blixem loupe,
Woe heubbe die dog hun studies gedoon?
Die ezels moote van honger vergoon!!!....
Ig kin aptikers die den dokter speule,
Die de boerinnekes de peuls deks veule,
Goat in hun hoes, agter in hunne zoal,
Doa vind geer ze zoaterdaags alle moal,
Dan komme ze menhier den dokter spreeke
En consulteere met heum alle weeke,
Althea met gom onder yn gedoon
Doa liet heer ze met noa hun hoes tou goon.
De boere myne ze woare geneeze
En me zuut hun de blydschap op hun weeze.
Oomeke zet gauw zien peutsches op zy,
Stik in zien tes yne gulde of dry.
Momusse, geer moot mer ins good t'rop lette,
Veur fluxies wille laveminte zette!!!
Zeet geer dan neet alle moal verwonderd?
Es ig droan dink bin ig gans bedonderd.
Kont geer die luy eur confientie geeve
Es ze zoe deurve speule met eur leeve.
Nyn! daan zien ander dokters in Mastreeg
Die heubbe dat al veul beter geveeg.
Joa, ig heub euse president geneeze
Geer heubt het in de gazette geleeze,
Met yne meelzak um zien wang te sloon,
Heub ig die merveilleuse kuur gedoon;
Ig hauw het geleuk van heum te bewoare,
Die kerels wouwe heum men ziel vermoare;
Met hun peutsches, fleskes en gom arabic
Dee heer gans onnudig hey oafgeslik,
Verkorte ze de president zie leeve!
Wee hey us dan yne neuije gegeeve?
En woe woar daan oug alle eus plaseer
Es heer euse president neet mie weer.
Veer kinne wel luy die zien doed begeere
Um dat ze op zie pleutske speculeere;
Mer dat ze oppasse, ig bin nog hy
En conserveer heum veur de Momezy!!!
Doarum, Momusse, zou ug get mankeere,
Geer moot ug mer het minste neet geneere,
Dan komp oug mer allemoal noa mig touw
Jonges of meitskes of getroude vrouw.
Veur de vreumeskes wil ig mig verbinde
Dat ig mig veur hun alle doag loat vinde,
Ig woon in de Papestroat by mie broor
Doa vind geer mig tot 's middags noa yn oor.
Prefereert geer dat ig by ug zou komme
Doa veur weurd van ug dog niks mie genomme,
Ey meuilke dat is wat ig van ug vroag
En doa veur kom ig geere alle doag.
Ig kaan ug van alle kwoale geneeze,
Want ig heub joa alle auteurs geleeze.
Van schouveroay, van leefde of van brand,
Van sinking, hardklopping of hoalen tand.
Geer kont het oug oan zeker dames vroage,
Die deks ganse weeke van tandpyn kloage,
Zelfs yn zeker daam in de Momezy,
Die heub ig geneeze in yn, twie, dry;
Dat erm keend! zy doog niks anders es kriete,
Zy wou zig alle heur tentsches out riete.
Yn van de schoenste dames van de stad
Hauw ins benkelikke tandpyn gehad,
Zy dorf op beterschap gaar neet mie hoope,
Mer op het leste leet ze mig ins roope,
Ig vond ze, och erm! gans krank van de pyn,
Zy zoat en kreet van lyt in erm en byn,
Zy verzeukde mig van heur te korreere,
Ig zou dog mien remedies appliceere,
Yne meelsak woord dadelik gebrag
Ende woord op heur schoen gezig gelag,
En in nog minder es in elf minuute
Verdween ig heur de tandpyn door heur kuute,
De pyn woas gans weg, doe lagde zy weer
En zy zag: Gij bent bedank mijnheer.
Es iemand van ug zou de tandpyn ploage,
Dee hoof het mer oan die juffrouw te vroage,
Die kaan ug alles zegge wat ig kin
En dat ig veur alles remedies vin.
De commissie kaan oug der van jugeere,
Doarum wou ze mig dan oug decoreere,
Want de meelzak hink noe op miene moag
En bin noe oug met de lintweurm geploag.
En geer mien hoeg gelierde cameroate,
Ig wil dan noe oug ins met ug get proate;
Geer heub mig noe zoe schoen gedecoreerd
| |
Auteursrechtvrij