Middelnederlandse geneeskundige recepten

1329.aant.

⁴⁹So welc mensche den steen heeft, die is sijn orijn slimich vanden grawen steene, ist een roet steen, soe leghet als root sant opten gronde, eest [fol. 107^v] een limich steen, soe leghet als een limich stuuc opten gronde; tweer hande steen machtu boeten, des grawen steens machtu niet boeten; wiltu twerehande steen boeten, soe nem petercelien zaet, comijn zaet, netelen zaet, weechbrede zaet, steenbrekel zaet, coriander zaet, anijs, elcs euen vele, ende puluere die crude, ende nem creuetes steen, ende berne hoerne. Nem deser stucken euen vele, ende puluere oec atrament alsoe vele, daertoe doe een pont zukers, dat saltu nutten, des morghens ende des auonts, soe puluere fumus terre, siede dat an wine, den wine sal hi drinken naden puluere eenen goeden toghe, soe mach hi deser siecte ghenesen; hi sal scuwen nie bier, ghersten bier, eyer, supen, alre hande droge spise, of zoute spise, vorsch spise is hem goet gheten, soe hi dese dinghen dicker nuttet, so hi eer vander siecten ghenesen sal.

49 In de kantlijn staat in het Hs. in een andere hand: soe welc mensche.