Middelnederlandse geneeskundige recepten

1328.aant.

Wie sijn mage te cout is ende sijn spise verlaten, ende gheeft hem weder sinen dranc, dien is sijn lijf slanc; soe wanneer du sijn glas besies, is sine orine claer als een borne, soe is sijn maghe al vercout. Soe nem ghenghebaer, galigaen, paradijs coerne, zeduwaer, lorberen, bakeler, der cruden ghelike vele, ende stote die te puluere, ende siede dat an eenen quartier wijns, ende drinke dat des morghens ende des auonts, ende slinke witten ghenghebaer; hi sal oec neghen rose bladeren in eenen linnen doec binden, ende sieden die in edeke, ende legghe die op die maghe als hi dat heetste ghedoghen mach, hi sal oec na den eten [nemen] een electuarium dat heit zynziber conditum⁴⁸. Soe saltune echter besien: is sijn orijn geluaer, soe is hi ghenesen; hi sal hem hoeden voer ghebraden spise, voer coude spise, voer runt

48 zynziber conditum] het Hs. heeft vynriber conductum.

[p. 320]

vleesch, hi sal dicke baden, ende na den baden sal hi drinken mechtich bier, dats hem goet.