Middelnederlandse geneeskundige recepten

876. Dit stempet bloet.

Nem gherwe ende vrijfse ende biintse op een wonde of voer dat voer hoeft, so stempt die nose. Item [nem] euenen ende barnse sere, ende houtse so warm voer v nose. Item die stront vanden esel bonden op die wonde of voer thoeft, stempet tbloet. Item die scorsen vanden

[p. 257]

vlieder, also eest ter aderen, so bint een peninc op dat gat, eest die wonde, so⁸⁰ nem hoenre vederen, ende brense, ende stroey die puluer in die wonde. Item nem die assche vander mosscaten, ende warpse in die wonde. Item equinum dat is een cruut, ende hiet catten staert, dat wriue ende biint op die wonde of voer hoeft. Item nem bernende netel ende wrijfse ende doetet als voer staet. Item die wortel van violetten cruut ghecuwet dat stempt [fol. 78^v] bloet.

80 so] het Hs. heeft So.