Middelnederlandse geneeskundige recepten

[p. 251]

847. Djt heilet dat ghescoert is van binnen.aant.

Nem agremonia, linaria, yserne, betony, eppe, sentauria, muer met roden bloemen, die cleyne bernende netel, ende dese crude alle wel cleyne stoten, ende te gader wael ghemenghet, ende dan daer op gheghoten siedende bocken smeer of hamelen, ende latet staen .xv. daghe, ende dan sieden niet te vele, ende wtpersen, ende met deser salue selmen zaluen, ende men zal nemen twalef menghelen waters, ende verbernen met gloeyenden yser op .ij. quaerten, ende dat salmen drinken des daghes iij. werue, ende stouen⁵⁸ in een droghe cuup, ende dese voerscreuen sal hi orbaren, ende die weke ij. weruen stouen als voerseit is. Ende die plaester⁵⁹ van iherusalem daerop gheleit; ende ist ghescoert dat die darme neder sijn, so selmense weder in doen ende verbindent met een gordel daer toe ghemaket, alzo wale dat die darme ny weder neder en vallen mer bouen bliuen.

58 stouen] u verbeterd uit t.

59 plaester] het Hs. heeft paester.