592.
Item medicijn teghen die pestilencie. In den eersten, als ghi voelt dat ghi onsteken sijt van die pestilencie, so latet eerst bi die stede daer ghijt voelt: ist onder die arme, so latet op die hant; ende dier ghelijc; wat tijt dattet si, het si goet laten of quaet laten, nae dat die medicijn-meester raet. Ende so neemt een hantvol hondrave (die heeft een ghelikenis mit popelbladen), ende also veel goutbloemen, ende vijf bladen hertstonghe; dese vier cruden selmen te samen stoten, ende cleyn-sense mit een half pinte rinsche wijn, die goet ende puer is, doer een doeck of doer een haer, ende gheeftet den ghenen die ontsteken is in een glas daer of te drincken die helft of al heel; ende hi sel bider gracien Gods ghesont werden, wantter veel boven in den lande mede ghesont ghewerden sijn.
Auteursrecht onbekend