Middelnederlandsche geneeskundige recepten en tractaten, zegeningen en tooverformules

398.

Item om gheswel sochte te doen sweren, soe seldi nemen most van enen swerten doren, ende tarwengrues⁽¹⁾, ende barghensmeer; ende maket in een pan⁽²⁾ wel heet ende legghet daer op, alsoe⁽³⁾ heet als sijt ghedoghen moghen. ende als die een kout es, soe lecht daer die ander op al heet. ende dit doet dicwils, ende het sal sochte sweren ende sochte uutbreken.

(1) Hs. tarwengrwes.

(2) In het hs. is pan voorafgegaan door eene doorgeschrapte b.

(3) In het hs. alsoe verbeterd uit alsoet: de t is doorgeschrapt.