Middelnederlandsche geneeskundige recepten en tractaten, zegeningen en tooverformules

365.

Om die siec sijn binnen⁽³⁾ den live, ende hebben de ghelu ziecheit, neemt kernemelc ende siet die up een kurste broets. laet dan staen claeren, ende dat claere giet af, ende maect daer af een supen van een eye; ende doeter in rebaerbe, soffraen, ende ghaligaen al ghepoedert. dit sal hem ter camer doen gaen ende al die siecheyt sal sceeden.

(3) Hs. binen.