236.
Jeghen den kanker in den mont, neemt gallenoten, ende scorse van peumen garnaten ende aluun van glaese, van elken .j. vierendeel ponts; ende een deel zeems, ende .j. pinte starx eysins, ende doet te gader wel cleene ghestampt; ende doet in .j. nieuwen pot, ende siedet also langhe alse wedrin vleesch; ende dan wringhet duer een linen cleet ende doet in een stenin kanne, ende dan dwaet uwen mont met lauwen watre herde wel; ende dan neemt een quispelkin, ende strijct dat zeer daer mede, metter vorseiden temperuere: ende dat quaede sal af gaen ende ghenesen.
Auteursrecht onbekend