Middelnederlandsche geneeskundige recepten en tractaten, zegeningen en tooverformules

[p. 63]

216.

Om haer af te doene ende scoen huut maken ende sonder sorghe, ghi sult baden in warem water, ende derna⁽¹⁾ stoven ende zweeten, ende noch baden; ende dwaet u dan met eenen sconen cleede. dan suldi dit ghereet hebben: neemt calc der⁽²⁾ noit water up en quam .vj. lepele vul, of also vele als ghij wilt, ende tempert⁽³⁾ met couden watre, ende siettet alse wellinge. ende derna⁽¹⁾ so neemt operment tvijfste deel, ende doeter mede; dan neemt een ganspipe ende steect daer in, ende prouft oft ghenouch ghesoden es: dats als die plumen lichtelijc afgaen, dan eist ghenouch. dan doet van den viere (et soude te seere verhitten), ende alst vercout es wel na, so bestrijc⁽⁴⁾ hu dermede⁽⁵⁾ der⁽²⁾ thaer staet, ende trecket of sonder crouwen, want die huut soude lichtelijc⁽⁶⁾ breken. dan neemt sap van bellen, sap van nasscaden, sap van don^||derbaer ende dbloet van der vledermus, ende minget al te gader, ende bestrijct hu dermede⁽⁵⁾.

(1) Hs. d'na.

(2) Hs. d'.

(3) Hs. ende tempert ende tempert.

(1) Hs. d'na.

(4) Hs. bestijc.

(5) Hs. d'mede.

(2) Hs. d'.

(6) Hs. lictelijc.

|| blz. 44.

(5) Hs. d'mede.