Middelnederlandsche geneeskundige recepten en tractaten, zegeningen en tooverformules

193.

Dits een dranc om alle wonden⁽²⁾ mede te ghenesene, ende hi comt ter wonden huut alsomen ghevet ten monde: neemt sap van glorifilaten, tsap van dorghinghe, ende tsap van alsenen, ende tsap van herba roberte. ende dese salmen minghen met wine ende ghevens drinken een waerf, telken een toghe, ende leggen up die wonde een roetcoelblat ende el niet. ende dwaet die wonde met wine, dats goet; ende danne lecht daer up dat coelblat.

(2) Hs. vonden.