Middelnederlandsche geneeskundige recepten en tractaten, zegeningen en tooverformules

[p. 54]

181.

Omme te makene hint, eerst so neemt .j. lib. gallen ende lechse te weeke in .ij. stoepe soops dat men maect teens bruwers ende heet buucsop⁽¹⁾, al siedende suldijse derin⁽²⁾ doen, ende laetse weeken .β. dach ende danne so stampse wel in een mortier ende doese dan weder int vat daer sij in gheweect waeren, dan so neemt een derden deel ponts coperroets ende .β. lib. gommen; doet coperroet⁽³⁾ voren in den pot daermense in sieden sal metten ghestampten noten, ende laetet sieden so langhe dat deelt versoden es; dan so doeter die gomme in ende laetse smelten, ende dan so doet van den viere; ende naer dat menre de gomme in doet so moet alleneen wel gheroert sijn. prouvende oft ghenouch es, so latet drupen up uwen nagle een dropel: houdet hem wel te gadere, so eist ghenouch. ende over buucsop so mach men nemen .ij. stope bruns biers. ende de pruve mach men oec doen up een mes of up eenen steen.

(1) Hs. buucsoops: de afschrijver is blijkbaar door het soops van den voorgaanden regel in dwaling gebracht.

(2) Hs. d'in.

(3) Hs. coperoet.