Middelnederlandsche geneeskundige recepten en tractaten, zegeningen en tooverformules

177.

Wildi maken eenen sonderlinghen⁽²⁾ wondendranc, die te wonden huut comen soude ende zoude alle wonden ghenesen, sonder stervelike wonden die niement ghenesen en can, neemt een loet ghin-

(2) Hs. sonderlinghe.

[p. 53]

ghebers, een loet wieroecs, een loet sulfers, een loet coperroets⁽¹⁾, ende twee cleene noten musscaten die goet sijn, ende .xx. bayen ende radeheele als so groet als een ey, ende roede coelen also groet; dese cruden salmen scarven ende stampense in eenen mortier, ende ^|| binden elc bi hem elc in eenen douc, in eene kanne dat si ten bodeme niet en comen; wat manne die dorwont es ende wat hi liefts drinket, eyst wijn of out stelle bier, dat salmen ghieten in de canne ende stoppense dan wel met eender roeder coelen; ende up die wonde salmen een rodecoelblat legghen ende keeren die ander zijde toe: dit es eenen goeden wondendranc.

(1) Hs. coperoets.

|| blz. 35.