Middelnederlandsche geneeskundige recepten en tractaten, zegeningen en tooverformules

122.

Gherechte medesine jeghen dwitte: neemt eyeren ende wilde reinvaen - dats wilde tente -; die salmen scerven al in clenen sticken, ende roerent metten eyeren in verschen botre. Ende als die vrauwe dat gheten heeft, so sal nemen olie van linsade een pinte, een alf pinte waters, dan neemt coste ende witte maluwe, ende breect dat cruut al in sticken, ende siet al te gader in een panne of in een pot der⁽²⁾ noit niet in quam, metter olien

(2) Hs. d'.

[p. 42]

vorseit. dan neemt dat cruut al heet ende lecht dat up die wijflichede, ende derinne⁽¹⁾, ende achter up die lendine al omme, ende wint dat wel vaste met eenen cleede, dat cruut niet en ontvalle, met brouken ende met linwaede. ende dit doet nuchtens ende savens, also heet als de vrauwe wel mach ghedoghen. Ende emmer so moetse altoes eerst eeten nuchtens ende savens de eyeren also vorseit es, nonens ende savens.

(1) Hs. d'inne.