Middelnederlandsche geneeskundige recepten en tractaten, zegeningen en tooverformules

⁺62.

Omme dlijm van der herten [te] doen schedene, neemt sentorie ende sietse wel in wine of in stellen biere, ende dan stampet de sentorie ende lechse weder int sop, ende sietse noch ende stemse dor een cleet; ende dan neemt de .ij. deel van der sentorie ende een deel zeems, dat siet wel ende scumt, tote dat dicke si; ende dan doet in eene bosse, ende hier af salmen de zieken gheven tetene .iij. lepel vul sdages: .i. nuchtens, .i. noenens, .i. savens, tote hi ghenesen sij. dit sal hem doen⁽²⁾ dlijm van der herten scieten ende het sal hem gheven apetijt van eten ende van drinkene.

+ abetijt, dlijm.

(2) Hs. doem (voluit).