Middelnederlandsche geneeskundige recepten en tractaten, zegeningen en tooverformules

⁺40.

Wildi of doen die sproeten, die een mensche heeft in sijn aensichte, ofte anden live, ofte an de kele, ofte ander lelike vlecken, die men heeft, die men heet honichmael, so neemt winsteen van witten wine ende die wortelen van witten lelien, ende lubberstekel, ende wortelen van serpentinen ende bakelare ende belrixssaet, ende stoetet dat al te samen in eenen mortier; ende doet in enen pot ende settet derup⁽²⁾ eene clocke, ende maket also men rosewater doet, ende neemt al dat water dat daer af comt ende neemt dan weitinen⁽³⁾ meele ende wrive die plecken dermede⁽⁴⁾ herde seere .iij. daghe ofte .iiij.; ende dan so neemt van den vorseiden watre, ende wrivet die stede daer mede; die vlecken sullen verghaen. dit es gheprouft.

+ sproeten.

(2) Hs. d'up.

(3) Hs. wittinen.

(4) Hs. d'mede.