Middelnederlandsche geneeskundige recepten en tractaten, zegeningen en tooverformules

30.

Olie van rosemarijn maectmen dus, ende heeft die cracht van balsemen, ende es een wonderlijc dinc, die maect men dus: men vullet .j. glaesin vat met finen⁽²⁾ bloumen, ende men stoppet met .j. ghewasten dobbelen douke of met wasse so deckende, ende dan graeftment ende stoppet in derde of int sant, toter middewert⁽³⁾; also laetmen staen .j. maent of meer, tote dat die bloumen sin ghedissolveert in watere, ende tsuver watere doet men of in een ander ghelas ende stellet ter sonnen .xl. daghen of meer, tote dat dicke wert ghelijc olien ofte balseme; dese olie conforteert therte ende de her||sene ende die vercrancte⁽⁴⁾ senuwen; so wert de plecken ende smetten vanden aensichte; so behoet de joncheit ende so

(2) Hs. sinen.

(3) Hs. midewert.

(4) Hs. vercrante.

[p. 23]

ghedoecht de experencie van balseme. Bedi een dropel van deser olie ghedaen up twater⁽¹⁾ gaet te gronde ende blijft daer staende; ende eist datmen van deser olien doet in turbel oghen, die tsien beletten, tsnavens dicwile doende, so gheneest de smetten, de tranen, ende alle mesquamen van den oegen die tsien beletten.

(1) Hs. tvater.