Medische en technische Middelnederlandse recepten

715. Aliud.

Water alleyn wan self distillirt. Soe wye dat nuchteren drinct, hy en mach bynnen den dach nyt werden kalt, ende artetyke, fleder siin, yechte dy vanden couden commen eyn mach hem bynnen den dach nyt schaden, ist datmen dit water drinct. Ende strickt daer mede die voerseide euel, si sullen daer mede beteren, is dat sy syn van kouder naturen. Ende dit water doet al dat selue dat eupatorium doet, wilde self.