Medische en technische Middelnederlandse recepten

676. Aqua abrotani sic fit.

Recipe auerute ende stampse myt eyn luttel annys ende macter water of myt cleynen fuer, dit is gut⁽²⁴⁴⁾ tot wele sake[n]. Want die heet nuchteren drinct alle daghe hym en mach gheen sieckheit toe commen. Ende het doet dy wrouen⁽²⁴⁵⁾ hoer blommen commen ende onslutet dy moder. Ende verslaet apostemen ende brect deen steen ende doedet alle manir van wormen. Dyt water gesoden myt castorien is goet teghen dy gychte (fol. 54^r) ende tfleder syn dat van colde commet. Ende het is oeck goet teghen allen wercoltheiden.

(244) Na gut volgt in het Hs. tot goet.

(245) wrouen: het Hs. heeft wrouien.