Medische en technische Middelnederlandse recepten

640. Kerssen kruyt thoe maken.

Nemt witten honich weel ghescumet, ende nemt kersen, dy steen ende steel af gedaen, ende wryft sy wel, dat dy substanci van dy kersen wordet als water. Dan settet dy gescumde honich opt fuer, ende doet dy substanci van dy kersen daer yn, ende latet soe tsamen syden, dathet so dicke woerde datmen sniden mach myt een messe, ende datmen in dosen halden mach. Tot .xij. pont kerssen .j. mengelen honichs ende sydet dat omtrent .j. pint.

¶ Aldus machmen mede maken wyn kruyt van druuen, ende doen dy steengens eerst wt, of van prumen, of moerbeyen. Dat kruyt dat men daer in doet sal cleyn gestoten ende gesift syn, als caneel, ende gyngeber.