Medische en technische Middelnederlandse recepten

605. Tenne of loet tsamen thoe setten.

Recipe .iiij. deel tynnes ende .j. deel quicsiluers ende smeltet tgader ende ghitet yn eyn ketel wol waters, so scheidet van een ende wort dan cleyne stucken. Dy stucken suldi nemen wten water ende snidense lanc smal alsoe dic als eyn stroe. Ende dar nae dathet dicke ys dat ghy souderen wylt ende houdet eyn kerse dar onder of legget op eyn hete koele al soe lang dathet gesmolten ys, soe yst gedaen.