Medische en technische Middelnederlandse recepten

594. Zement van enre serke thoe maken, bysunder blawe luycse seerck.

Soe nemt stoef vanden blauen naemsche steyn als wan eyn seerck. Item nemt gruuys, dat ys gestoten glas als stof gestoten van glaesmakers. Item nemt slyp wtten mesmakers troch, dat wan den slijp steen comt. Ende nemt van desen dryen substancien elx euen wele, ende nemt ongeleest steen calck dy helfte meer dan enich wanden anderen dryen. Dyt suldy tsamen menghen ende beslaen dy een of den anderen ghelick als moter van kalck myt runderen bloet ghemenghet ende beslagen ende nyt myt water. Item nemt een wyrcant spaen euen gescaeft of .ij. spanen dy machmen buten ende bynnen mede tsamen teghens een moer of

[p. 192]

olders stricken of in .i.⁽¹⁸⁷⁾ commen of ander trocken woude mede maken mytten sement, of ock in goten of yn kelders of waermense tho besighen wyll. Want het ys alrestarchste ende dat ewichste datmen mach maken.

(187) Boven .i. (dat moeilijk leesbaar is) staat het afkortingsteken voor n of m doorstreept.