Medische en technische Middelnederlandse recepten

[p. 190]

588. Vratten ende lickdorn to verdriuen.aant.

Recipe een deel slecken dy groet ende geel syn ende doet sy yn eyn wisel ende warpter eyn hantwol soutes op dan wor<t> het water ende doe dar tho .iij. gallen van werken dat barghen syn, ende duuet doer eyn doeck. Ende myt desen water salmen dy wratten bestricken ende maken daer eyn doeck yn nat ende leggent dar op. Ende den lickdorn salmen erst besnyden. Ende wart sake dat hy weroldet waer, nemt eyn eykel dop, doet dar yn salue gemaket aldus. Recipe eyn wenich steen kalker myt wat sepen gemenget yn v hant als eyn salue, ende yn den dop gedaen ende daer op gebonden eyn etmael. Ende als hy wt ys, so heeltet als ander wonden.