Medische en technische Middelnederlandse recepten

557. Om groen linnen douck te verwen.

So neemt vuulbomen, besien dair van, ende ghiet dair sterke aluun water op ghenouch. Ende wanneer dat ghi verwen wilt, so neemt .ij. hant vol van desen besien (fol. 32^v) ende stoetse wel clein ende doetse in een ketel. Ende doet dair .iiij. querten vanden aluun water⁽¹⁵⁶⁾ op. En[de] dat douck dat ghi verwen wilt dat doet inden ketel mitten besien ende laet sieden .ij. vren lanc, dan neemt den douck wt ende laet hem half droghe⁽¹⁵⁷⁾ worden ende doet hem dan weder inden voirseiden ketel ende laet hem half cout worden. Ende doet tot .x. ellen douckx .i. loet spaens groen wel ghewreuen ende laet dan dair in bliuen een dach ende een nacht, dan neemt dat laken wt ende spoelt in schoen water ende dan hanget wt ende latet wel droghen.

(156) Na water volgt in het Hs. dair.

(157) droghe: het Hs. heeft boven de e een doorstreept afkortingsteken voor n.