Medische en technische Middelnederlandse recepten

556. Om gheel linnen laken of douck te verwen.

Neemt een emmer waters ende een ℔. weet assche ende maect loghe ende doet den schuum of ende laet die loghe staen .i. dach ende een nacht dan doet dair in een .℔. woude ende siedet dan .ij. vren lanc. Ende wanneer die loghe versch is so ghiet dair op meer loghe ende dan cleinset dat nat wt of vander woude. Ende doet dair in een loet puluer spaens groen dan steket dat⁽¹⁵⁵⁾ linnen douck dair in ende maket wel nat.

(155) Na dat staat bi doorstreept.

[p. 182]

Item wilstu dat laken pappen, so doet dair in een lepel vol weiten blomme ende menget dair mede ende steket dat voirseit douck noch eens dair in ende latent droghen vter sonnen.