Medische en technische Middelnederlandse recepten

480.aant.

¶ Sperma rute in puluer gheleit van appollo ghemenghet ende in asiin gheweket ende weder in die sonne ghedroghet ende oly daer wt ghesleghen ad vsus laycorum, dese oly is gheheten sperma rute ende is edel ende preciose bouen alle dinghen. Al waer dat sake dat een mensche veniin hadde ghegheten of ghedronken, dronc hi sperma rute, hem soude dat veniin wtcomen tot sinen monde. Ende dronke hiit anderwerue (fol. 83^v) hi soude alle die quade humoren wt keren, ende droncke hijt derdewerue, hi worde gans siins lichaems ende sire lede.