Medische en technische Middelnederlandse recepten

454. Ten groten euel.aant.

¶ Beuenelle, rute, petercelie van sanderien, sedewaer, aloe ende kaelmie, ende van elken euen swaer, dat selmen al ontween wriuen ende siedent te samen in aqua philosophorum so langhe dat dat derdendeel versoden si; daer na sel ment wt doen ende wringhent doer enen scoenen doec ende houdent dan in een glasen vat vast bestopt neghen daghe; daer na selment gheuen te drinken elkes morghens nuchteren den ghenen (fol. 82^r) die dat vallende euel hebben tot .xl. daghen. Ende oec dit is die waerachtichste medeciin die ye vonden wert ieghen sulke saken. Aqua philosophorum nuchteren ghedronken dat doet alrehande iecht vergaen vten leden ende conforteert des menschen zenen bouen alle dinghen.