Medische en technische Middelnederlandse recepten

341. Ten verghifnisse.aant.

¶ Die rude is harde goet ieghen alrehanden verghifnisse wart si met wiin ghedronken of groen gheten. Wie hem des ontsiet datmen hem vergheuen sel, hi sel nemen twintich (fol. 74^v) blade vander rude ende twe vighen die ghedroget siin ende twe haselnoten ende eten die te samen met een luttel souts⁽⁸⁰⁾ nuchteren, so en mach hi niet vergheuen warden des daghes dat hi dat heeft ghenut. Dit dede elcs daghes die coninc medriatos also langhe als hi leuede, so ne mocht hem ghene verghifnisse⁽⁸¹⁾ deren, dat wart dicke proeft.

(80) Na souts staat in het Hs. een.

(81) verghifnisse: het Hs. heeft verghifnisse.