Medische en technische Middelnederlandse recepten

261. Verduwen.aant.

¶ Die tarwe heeft drierhande wise doer die outhede ende nuhede, want die langhe ghehouden is die is droghe ende voedet luttel ende is hart te verduwen, die welke⁽⁶⁴⁾ cort[t]ijt gheleghen heeft sent dat hi ghemaect is doer nathede vliimachtich ende hart te verduwen doer die nathede ende doer die vliimachtichede der eerde daer die mas of ghenomen is; si voedet wel ende si is licht te verduwen, si is heet inden eersten graet; dat broet datmen of maect, dats beter dan die weit selue, dat is (fol. 71^r) vanden viere daert bi ghebacken is; die weite is beter dan enich coern want si voet de mensliker naturen.

(64) welke: het Hs. heeft wette.