Medische en technische Middelnederlandse recepten

229.

Die tantsweer comt somtijt van heter humoren, somtijt van couden humoren, somtijt van apostemen, somtijt van scarpen bloede dat om den tanden leit ende maect den sweer, dan ist aensicht roet ende gheswollen; men doe hem laten die hoeft ader, oec is dan goet ghelaten die ader die in die lippe leit; oec selmen inden mont houden cout born met rosenwater of met asiin, ende men mach oec inden mont houden wiin daer to ghesoden siin rosen, latue, nachtschade, beide olibladen. Comt⁽⁵²⁾ die piin van heten humoren, dats van roeder heter coleren, dat kentmen biden scarpen sweren ende dat dat aensicht ghelu is. Comt die tantswere van fleumen, dat kentmen biden witten aensicht of bleec.

¶ Triakel ghedaen in een doeckiin ende op den tant gheleit.

(52) Na comt staat in het Hs. die doorstreept.