Medische en technische Middelnederlandse recepten

228.

Dus⁽⁵⁰⁾ kentmen oft goet laten is: dat is als die vrime roet is ende dicke of donker ende die pols vanden artu slaet ende heeft droefheit ende anden arm daer meest coude an heeft, ende die adem vanden monde soet is, ende twit vanden oghen roet is, ende als men slapende droemt van roeden dinghen ende als si brede aderen hebben. Liede met dusdanighen teken behoert toe bloet laten. Die dach moet siin warm ende wac, ontrent priimtijt ende men is sculdich te siine nuch-

(50) Vóór Dus staat in de marge: nota.

[p. 127]

teren van drinken, van eten ende vrijn te maken. Ende somers is men sculdich te laten anden rechteren arm, ende die wonde is sculdich te siin nauwe, ende te winter breet of wiit, ende ist bloet wit of claer of gheuerwet na der rose, so ist goet bloet ende laet v nemmeer dan eens steken, ghine⁽⁵¹⁾ hebts al te groet noet.

(51) Na ghine staat in het Hs. a doorstreept.