Medische en technische Middelnederlandse recepten

22. Item om har af te doene waer dat staet.aant.

Nempt orpriment een deel, ende leuende calc de twee deel, ende wriuet wel ontwee als bloeme ende temperet met borne of met wine. Ende doet zieden vp tvier dat zi alse pappe ende dan legghet daer ghi wilt haer verweeren alse eet als ghi cont ghedoeghen ende latet daer vp droghen. Ende dan dwaet of met wermen borne het sal al⁽⁵⁾ ute uallen ende of ghaen ende niet weder commen vp dat ghi de stede salft met beelde sade.

(5) Het Hs. heeft dittografie van al.