Leven van Lutgart

(1899)–Anoniem Lutgart, Leven van– rechtenstatus


Dit es de conclusie van desen boeken. Ga naar margenoot+Nu es dit boec ten inde comen. Got gheve dat het mote vromen 5775[regelnummer] Hen allegadren die dat lesen, Also dat si gebetret wesen Van din exemplen die daer in Bescreven sijn om har gewin! Nu hebbic u met goeder trowen 5780[regelnummer] Die vite van der heilger vrowen Ten inde brachtt al sonder crink. Din selven wech din wilen ginc Die welgerakde Iacobijn Diese eer bescreef al in latijn, 5785[regelnummer] Hebbic gehouden overal, Alse igewelc wel lijen sal Die hem op dat latijn verstact; So dat ic sonder loes beraet Al dis geloves volcomen ben 5790[regelnummer] Dat ic eer dede in dat begen: Dat was dat ic volbrengen soude, Waert dats mi Got gehingen woude, Der vrowen leven, dat ic u In didsche al hebbe ontbonden nu. 5795[regelnummer] Nu dankie u, geweldech vader, Die hebt in u behout algader Dat leeft ende dat onlevende es, Geweldech Got, u dankic des, Dat gi mi hebt din spoet gegeven, 5800[regelnummer] Dat ic en ben nit achter bleven Ga naar margenoot+So noch van din gelover mijn Ine waens wel al volcomen sijn. Oc dankie u, vrieëdele magt, Die nu met allen salegen dragt 5805[regelnummer] Daer boven dat gebloijde rijsGa naar voetnoot1 In dat verwende paradijs Ende oc selt dragen emmermere, Wel schone magt, u dankic sere Dat gi mi hebt in allen stonden, 5810[regelnummer] Alsic altoes hebbe ondervonden, In desen werke bigestaen, Dat ic te makene hadde ontfaen Dor uwen wille, maget rene, Want ghi sijt, vrowe, die allene 5815[regelnummer] Mine herte boven alle nonnen Met uwer minnen hebt verwonnen! Ghi sijt degene, vrowe goet, Die mi in minnen leven doet Ende die mine herte heft utverkoren, 5820[regelnummer] Ende die ic minne al sonder toren, Ende sonder kir ende sonder wanc Altoes sal minnen even lanc Dat ic in dese werelt blive, Ende sal noch meer na desen live, 5825[regelnummer] Kanic geraken, maget schone, Dar gi met eeren spannet crone, Daer boven, daer ghi sijt gerakt, Daer goede minne werdt volmakt! Mar dis ic noch mi selven weet 5830[regelnummer] Aldaer te comene ongereet. Ga naar margenoot+Daer gi sijt, vrowe, die ic minne, Dis ic onwerdech mi bekinne, Dis biddic u genendelike, Want ic u weet van wille rike, 5835[regelnummer] Vrieëdele magt gebenedijde, Dat ghi mi gheft in minen tide Kracht ende macht, wille ende stade Also te levene sonder schade Dat ic tire eweliker vromen 5840[regelnummer] Van ghinder boven mote comen,
[pagina 204]
Waaneer dat mi dit broche leven In derre werelt sal begeven. Oc biddic dat si mede wesen Die dese vite selen lesen, 5845[regelnummer] Altoes met mi in din gebede, Ende dat deghene oc plechten mede Ende alre vromen met genieten Die hen en laten nit verdrieten Daer si die vite lesen horen, 5850[regelnummer] Also dar toe te ghevene oren Dat sise mogen wel verstaen. Ghot gheve dat si moten saen Hare werke also ten besten kiren, Dat si ne moten nit failliren 5855[regelnummer] Si(ne) moten oc aldaer geraken, Daer si der hogster vrocht gesmaken Daer boven in dat lange leven Alse hen dit corte werdt on(t)geven, Dat es ter feesten ghinder boven 5860[regelnummer] Daer alle sante Gode loven. Daer motewi comen altesamen! Nu segget allegader: Amen.	[tekstkritische noot]5801 l. gelove. - 5802 l. In (?). margenoot+ f.354v^o. margenoot+ f.355r^o. voetnoot1 Vgl. Flor. 1250; OVl. Ged. 2, 115, 94. Bedoeld is de palmtak. margenoot+ f.355v^o. [tekstkritische noot]5841 l. brosche. Vgl. III, 5019. [tekstkritische noot]5852 l. Got.

Vorige Volgende

Dit es de conclusie van desen boeken.