Liedboek van Kathryn van Hatzfeldt



[Folio 15v]
XVII. Och scheyden brenget myr swer, vnd macht mich gantz traůrigklich, dat ich nw sall van der, die offt erfreůwet mich, Myt lieff und oůch myt schertzen, hait sy myn gemůet bewart, yrst werd jch kranck van hertzen, so jch gedenck der hynnefart. Vnfall důrch synen nyt, hait semlich clag erdacht, vnd oůch důrch deglich tzyt, dat scheyden wirt vollenbracht, dar durch ich haeff groyß smertzen, vnd ist lainckdurich by mir, dat jch die zart moyß myden, hylff glůck dat clag jch dyr, Kom myr myt troyst zů steůr bedenck des scheydens end, Vyll kortz weyll wyrt mir deůr, so jch van hynnen wend, Myt wissen mŏyß scheyden, doch blyfft das hertze by dyr, glůck schaff die tzyt myt freůden hylff vns zo samen schier!