Liedboek van Kathryn van Hatzfeldt

[fol. 7v]

VII.

Ade myt leyde,
ich van dyr schiede,
dar durch myn hertz,
vnfregelich schmertz,
alle stondt erfynt,
ind ist vntzůnt,
Jn jamers wee,
ade aene dich lůst myr geyne vreůwede nyet me.

Ade myn frůnt,
der ich geyne zyt
an zu siehen verdriessen mach,
hayn jch myr gewendt,
ind byn ellend,
Jn leyt jch ste
ade aene dich

Ade gedenck,
dyne trůwe mich krenckt,
vnd halt recht maeß,
vergyß nyet das,
als dů waill weyß,
dyn trůwe wir
mich liefz hyn vur Eehr
ade aene dich lůst myr geyne vreůwede niet me.