Het liedboek van Liisbet Ghoeyuaers

[p. *4]

Bijlage 5
Lied VII

Parijs

Kinder nv loeft die maecht marie
Si heeft v'vult die prophecie
Si droech eē kint die maecht marie
Dat wonder en gesciet nie.

Maria es eene sterre scone.
Die ons v'licht aendē trone.
Wie h' aenbeet hi heeft te lone
Ihūs xpūs marien sone.

Maria es eene dageraert.
Die vor d' midd'nacht op staet.
Wie h' aenbeedt hi heeft aflaet.
Van alder sunderliker daet.

Maria es eene triniteyt.
Moed' van ald' ontfermicheyt.
Si es soe vol alder heilicheyt.
Dats ons een groote salicheyt.

Maria es eene volle vloet.
D' god aen nā vleesch en̄ bloet
Dat sal den genen wesē goet
Die dienē om dat eewege goet.

Maria es eene rose sond' doren
Die god tot eend' moed' heeft v'corē
Eer ihūs xpūs was geboren.
Was dese werelt al verloren.

Her ioseph viel ned' op sijn kniē
Hine conste dat wond' niet aensiē
Dat kint dat inde crebbe lach.
Hi wiste wel dat die gods sone was

Die ingelen die satē d' alle bi
Met grooter vroudē wiechdē si
Met wond' waren si beuaen.
Dat haren scepper soe was gedaē

Die ingelen songē alle sanctus
Die heilege geest es hier īt huys
Geboren van eend' ionger maecht
Die onsen vad' soe wel behaecht

Sijt willecome her iongelinc.
Die ons van bouen es gesint.
Der reynder maget mariē kint.
En̄ alder yngelen coninc.

Kind' nv loeft die maecht marie
Si heeft v'uult die prophecie.
Si droech eē kint die maecht marie
Dat wond' en gesciede nie.

Tüb. germ. oct. 190

Kinder nv loeft die maghet marie.
si heuet v'u  die pphetie.¹
si heuet enē sone. si is maghet/marie.
dat wonder en gheschie ons nye.

Maria is een sterre schone.
die ōs v'licht al aen den throne.
wie haer aenbeedt. hi heuet dat lone.
vā ih's kerst. marien sone.

Maria is een dagheraet.
die voer der middernacht opstaet.
wie haer aenbeedt. hi heues oflaet.
vā allen sonderliker misdaet.

Maria is ene volle vloet.
daar god an nam vleischs en̄ bloet.
dat sal ons allen wesen goet.
nv dienē wi om dat ewich goet.

Maria es een rose sond' doorē.
die god tsijnder moed' hadde wtu'corē.
eer ih's x was gheborē.
so was dese werelt al verloren

Ioseph viel neder al op sijn knien.
hi en const dat wonder niet anghesien.
daer² tkint al inder cribbē lach.
hi wist wel. dattet die gods soen was.

Die enghelē songhen saūs saūs.
hier is die heilige gheest int huys.
gheborē vā eend' iongh' maecht.
die ald' werelt wel behaecht.

1 In het hs. staat v'u op het einde van de regel. De rest van het woord is weggesneden bij herbinding van het hs. Bäumker, die alleen het refrein opnam - pag. 192 -, heeft hieraan geen aandacht geschonken en loste de afkorting daardoor abusievelijk op in van.

2 Achter daer staat in het hs. kint. Dit woord is echter doorgehaald.

Deu. e. prof. boecxken

Kinder nu louet die maghet Marie
Si heeft veruult die prophecie
Si heeft eenen soon/si is maget Marie
Dat wonder en geschiede ons nye

Maria is een sterre schone
Die ons verlicht al aē den throne
Wie haer aenbedet hy heeft te lone
Van Jesus kerst Marien sone

Maria is een dagheraet
Die voer der midder nacht op staet
Wie haer aenbidt hi heeft aflaet
Van alle sonderlijcke misdaet

Maria is een triniteyt
Si is moeder der ontfermherticheyt
Sy is moeder ende reyne maghet
Die onsen vader wel behaget.

Maria is een volle vloet
Daer God aen nam vleesch ende bloet
Dat sal ons allen wesen goet
Nu dienē wij om deewich goet

Maria is een roose sonder doren
Die God tot sijnder moeder hadde wtuercoren
Eer Jesus x was gheboren
So was dese werelt al verlorē

Heer Joseph viel neder op sine knien
Hy en conde dat wonder niet aen ghesien
Daert kint al in die cribbe lach
Hi wist wel dat Gods sone was

Die enghelen songhen sanctus/sanctus
Hier is die heylighe gheest int huys
Gheborē van een ionge maecht
Die alder werelt wel behaecht

Sijt willecoē heer iōgelinc
Die ons van bouen is ghesint
Dat is Jesus Marien kint
En̄ alder engelen coninck.