Het liedboek van Liisbet Ghoeyuaers

[p. *3]

Bijlage 4
Lied VI

Parijs

Nv laet ons singē het es tijt.
Est puer natus hodie.
Die ons allē heeft verblijt.
Pro nostrorum crimine.
hodie hodie natus est rex glorie.

Die vader inder eewicheit.
Est puer natus natus hodie.
Ontfermde onser allindicheit.
Pro nostrorum crimine.

Dat adam inden appel beet.
Est puer natus hodie.
Dat mocht ons allē wesen leet.
Pro nostrorum crimine.

Want wi d' om hier te vorē.
Est puer natus hodie.
Moesten alle sijn verloren.
Pro nostrorum crimine.

Die gods sone van hemelrike.
Est puer natus hodie.
Woude werden ons gelike.
Pro nostrorum crimine.

D'om es hi hier ned' comen.
Est puer natus hodie.
En̄ heeft menscheit aē genomē
Pro nostrorū crimine.

Tot eend' maget alte hant.
Est puer natus hodie.
Heeft hi sinen ingel gesant.
Pro nostrorū crimine.

God gruetu. sprac die ingel saē
Est puer natus hodie.
Van gode doe ic v verstaen.
Pro nostrorū crimine.

Ghi sijt vol gracien sond' waen.
Est puer natus hodie.
Wāt ghi den gods sone selt ontfaē
Pro nostrorum crimine.

Want hi v d'toe heeft v'coren.
Est puer natus hodie.
Dat hi van v wilt sijn geboren.
Pro nostrorū crimine.

Als maria dat verstoet.
Est puer natus hodie.
Wert si v'uaert in harē moet.
Pro nostrorū crimine.

Met vreesen sprac si dē ingel an
Est puer natus hodie.
Hoe sal dat sijn en kinde noyt mā
Pro nostrorū crimine.

Die ingel sprac h' toe mettien.
Est puer natus hodie.
Maria en wilt v niet ontsien.
Pro nostrorum crimine.

Die heilege geest sal v omvaē.
Est puer natus hodie.
Met sijnd' cracht seldine ontfaē.
Pro nostrorū crimine.

In v sal groot wond' gescien.
Est puer natus hodie.
Van gode dat noit en was gesiē.
Pro nostrorum crimine.

Noch nēmermeer en sal gesciē.
Est puer natus hodie.
Want ghi sult moed' en̄ maget s
Pro nostrorum crimine.

Als maria dat v'hoerde.
Est puer natus hodie.
Her ingel sprac si mettiē woerde
Pro nostrorum crimine.

Soe moet my hier inne gescien.
Est puer natus hodie.
Die deerne gods soe willic sijn
Pro nostrorum crimine.

Doen si dat sprac oetmoedelike
Est puer natus hodie.
Ontfinc si gode van hemelrike
Pro nostrorū crimine.

Sonder pine en̄ sonder vaer.
Est puer natus hodie.
Ruste hi ix·maent in haer.
Pro nostrorū crimine.

Inder nacht dat si gelach.
Est puer natus hodie.
Van rouwe en was d' geē gewach
Pro nostrorum crimine.

Die ingelen gods van hemelrike
Est puer natus hodie.
Si songen alle blidelike.
Pro nostrorum crimine.

Gloria inder eewicheit.
Est puer natus hodie.
Si der heileger triniteit.
Pro nostrorū crimine.

Die herden op der velden lagē.
Est puer natus hodie.
Groote claerheit dat si sagē.
Pro nostrorum crimine.

Met vreesē soe warē si beuaē.
Est puer natus hodie.
Die ingelē quamē bi hem staē.
Pro nostrorum crimine.

Ghi herden en wilt v niet v'uarē
Est puer natus hodie.
Van gode bringe wi v niemare.
Pro nostrorum crimine.

Want ons es een kint geborē.
Est puer natus hodie.
Van eend' maget vutuercorē.
Pro nostrorum crimine.
hodie hodie·natus est rex glorie

Brussel II 2631

Nu laet ons singhen het is tijt
Est pueuer natus hodie
Die ons allen heeft verblijt
Pro nostrorum crimine
Hodie Hodie natus est rex glorie

O vader inder ewicheit
Est pueuer natus hodie
Ontfermt v onser eellendicheit
Pro nostrorū etc.¹

Dat adam inden appel beet
Est pueuer nat' etc.
Dat mach ons allen wesen leet
Pro nostrorū etc.

Want wy daer om hier te voren
Est pueuer etc.
Mosten wy allen sijn verloren.
Pro nostrorū etc.

Die godes soen van hemelrijck
Est pue etc.
Hi woude worden ons ghelijck.
Pro nostrorū etc.

Daer om is hi hier neder ghecomen
Est pue etc.
Ende heeft ons mensheit aen ghenomen
Pro etc.

Tot eenre maghet al te hant
Est puĕ etc.
Heeft god sinen enghel neder ghesant
Pro etc.

God gruet U sprac die enghel saen
Est etc.
Ghi sijdt vol gracien al sonder waen.
Pro etc.

Van gode soe doen ick v verstaen
Est puĕ etc.
Dat ghi den goods soen selt ontfaen
Pro nostrŏ

Want hi v daer toe heeft vercoren
Est etc.
Dat hi van v wil sijn gheboren.
Pro nostrorū etc.

Als maria dat verstoet
Est pueuer etc.
Wart sy vervaert in haren moet
Pro nosts etc.

Si sprack den enghel met vresen aen
Est etc.
Hoe soude dat sijn Ic en kende nie man
Pro nostr^u etc.

Den enghel sprack haer toe mettien
Est p̆ etc.
Maria en wilt v niet ontsien.
Pro nostrorū etc.

Die heilighe gheest sal v beuaen.
Est etc.
Met crachten groot salt ghi hem ontfaen
Pro etc.

Goods wil die moet in my gheschien
Est p̆ etc.
Dijn dienst maghet die wilic gaerne s
Pro etc.

Doen sy dat sprack oetmoedelijck
Est puē etc.
Ontfinck sy god van hemelrijck.
Pro nostrō etc.

Sonder pijn of sonder vaer
Est pŭ etc.
Ruste hi neghen maenden in haer
Pro nostrŏ etc.

Inden nacht dat sy ghelach.
Est pŭ etc.
Van vrouwen en was daer gheen ghewach
Pro etc.

Die enghel goods van hemelrijck.
Est pǔ etc.
Sy songhen alle gadaer blydelijck
Pro nostrŏ

Gloria al inder ewicheit
Est puĕ nat' etc.
Sy daer heiligher drieuoldicheit
Pro nostr̆ etc.

Die hardekijns al op die velden laghen
Est etc.
Groote claerheit die sij saghen.
Pro nostrō etc.

Met vresen waren sy allen beuaen.
Est etc.
Want die enghel die quam by hem staen
Pro^u

Ghi hardeks en wilt v niet v'varen
Est etc.
Van gode brenghe ic v niewe maren.
Pro etc.

Want huden is een kijnt gheboren.
Est pu^u etc.
Van eenre maghet wtuercoren.
Pro nostrō etc.

1 etc. is de oplossing van een afkortingsteken met waarschijnlijk die betekenis.

Suuerlijc boecxken

Nv laet ons singhen het is tijt
est puer natus hodie
die ons allen heeft verblijt
pro nostrorum crimine.
hodie hodie natus est rex glorie

Die vader inder eewicheit.
est puer natus hodie
al bider heiliger triniteyt
pro nostrorum crimine
hodie

Dat adam inden appel beet
est puer natus hodie
dat mach ons allen wesen leet
pro nostrorum crimine
hodie

Want al dat hier te voren
est puer natus hodie
moeste alle sijn verloren
pro nostrorum crimine
hodie

Die sone gods van hemelrijcke
est puer natus hodie
worde weder ons ghelijke
pro nostrorum crimine
hodie

Daer om is hi hier neder comen
est puer natus hodie
en̄ heeft ons menscheyt aengenomē.
pro nostrorum crimine
hodie

Tot eender maget altehant
est puer natus hodie
hi sinen enghel neder sant.
pro nostrorum crimine
hodie

God gruet v sprac die enghel saen
est puer natus hodie
ghi sijt vol gracien sonder waen
pro nostrorum crimme
hodie

Van gode doe ic v verstaen
est puer natus hodie
dat ghi den soon gods sult ontfaen
pro nostrorum crimme
hodie

Want hi v daer toe heeft vercoren
est puer natus hodie
dat hi van v wil sijn gheboren
pro nostrorum crimine
hodie

Als maria dat verstoet
est puer natus hodie
wert si veruaert in haren moet
pro nostrorum crimme
hodie

Met vresen sprac si den enghel an
est puer natus hodie
hoe mach dat sijn en kende noeyt mā
pro nostrorum crimine
hodie

Die engel sprac haer aen mettien
est puer natus hodie
maria en wilt v niet ontsien
pro nostrorum crimine
hodie

Dē heylighen geest suldi ontfaen
est puer natus hodie
met sijnder cracht suldi ontfaen.
pro nostrorum crimine
hodie

In v sal groot wonder geschien
est puer natus hodie
vā gode dat noeyt en was ghesien
pro nostrorum crimine

Noch nēmermeer en wort aenschij
est puer natus hodie
want ghi sult moeder en̄ maghet sijn
pro nostrorum crimine
hodie

Als maria dat verhoorde
est puer natus hodie
heer enghel sprac si na dinen woordē
pro nostrorum crimine
hodie

Gods wille moet in mi geschien,
est puer natus hodie
sijn deerne wil ic gaerne sijn
pro nostrorum crimine
hodie

Doen si dat sprac oetmoedelike
est puer natus ijodie
ontfinc si god van hemelrike
pro nostrorum crimine
hodie

Sonder pijn en sonder vaer
est puer natus hodie
so ruste hi·ix·maent in haer
pro nostrorum crimine
hodie

Daer na wert hi van haer gheborē
est puer natus hodie
so die propheten hier te voren
pro nostrorum crimine
hodie

Inder nacht dat si ghelach
est puer natus hodie
van rouwe en was daer geen gewach
pro nostrorum crimine
hodie

Die engelen gods van hemelrijc
est puer natus hodie
die songhen alle blidelijc
pro nostrorum crimine
hodie

Glorie inder eewicheyt
est puer natus hodie
al bider heiligher triniteyt
pro nostrorum crimine
hodie

Ende inder aerden mede
est puer natus hodie
si maectē menigē mensche vrede
pro nostrorum crimine
hodie

Want ons huyden gheboren es.
est puer natus hodie
god en̄ mensche sijt seker des.
pro nostrorum crimine
hodie

Die herdekens opten velde laghen
est puer natus hodie
een grote claerheyt datse saghen
pro nostrorum crimine
hodie

Met vreesen warē si beuaen
est puer natus hodie
die engelen quamen bi hem staen
pro nostrorum crimine
hodie

Ghi herden en wilt v niet veruarē
est puer natus hodie
van gode breng ic v een niemare
pro nostrorum crimine
hodie

Want het is een kint gheboren
est puer natus hodie
van eender maget wtuercoren
pro nostrorum crimine
hodie