Het liedboek van Liisbet Ghoeyuaers
(1966)–Anoniem Liedboek van Liisbet Ghoeyvaers, Het–
Auteursrechtelijk beschermd
[pagina 198]
| |
XLVI1[regelnummer]
Ga naar margenoot+ Kinder loeft den inghel fijnGa naar eindnoot+
Hij vlieght soe hoege voer gods anschijn
Ende es hem soe bequame
Dat hijten scierde hem seluen ghelijc
Franciscus is sijn name
2[regelnummer]
Wij vinden alleen van hem bescreuen
Dat hem die gods sone woude geuen
Sijn wapen al onghebroken
Daer om is hij hem meest ghelijc
Heeft ons scrifture ghesproken
3[regelnummer]
Nu laet ons eeren den inghelschen man
Die hem seluen verschieren can
Met wapenen sonder ghelijke
Ga naar margenoot+ Hij leet nv voer de inghelen rey
En ciert dat hoeghe rike
4[regelnummer]
Als ic doer ga dat hemels lant
Ende aensie soe meneghen sant
Ghesciert met duegden scoene
Soe en ha nieman die wonden dan hij
Ghelijc den zueten gods sone
5[regelnummer]
Recht armoede was sijn schat
Want hij niet en woude noch nie en besatGa naar eindnoot5,2
Van gheenen erschen dinghen
Daer om is hij nv hoexst ghecroent
Al daer die inghelen singhen
6[regelnummer]
Ga naar margenoot+ Niet ghelijc den ghemeinen sant
Is sinen loen int hemels lant
Maer vanden hoexsten steden
Hij heeft met sier oetmoedicheit
den hemel al doer treden
| |
[pagina 199]
| |
7[regelnummer]
O zuete vader o wert patroen
Bidt uwen broeder den gods soen
Dat hij ons wil vergheuen
Ons misdaden menichfoudt
Al in dit broesche leuen
8[regelnummer]
O zuete vader bewijst v dueght
Want ghij voer alle man vermoeght
Comen ten veeghevier stringhe
Ga naar margenoot+ Alle iaer op uwen dach
Bewijst aen ons v minne
9[regelnummer]
Als wij siin indie grote noot
En ligghe in die bitter doot
O inghel vol ghenaden
Toent ons dan v wondeken roet
Ghij sijt vol caritaten:
Dit boexskens hoort toe
suster johanna cueliens
suster elisabet ghoeyuaers
heuet mij gegeuen
qui patitur vincit omnia
de ab sentibus nil
Nisi bonum
|
|