Het liedboek van Liisbet Ghoeyuaers

[p. 196]

tekstkritische noten

4,2 felleclich: op wrede wijze. Deze stapelvorm van het bijwoord fellec komt niet voor in het Mnl. Wb.
8,4 Hij maechs hem wel vermien: Hij mag daar wel voor oppassen.

XLV

⁺ In eenen boghaert quaem ic ghegaen
Des morghens voer der sonnen
Daer ic vant eenen edelen hert
Omuaen met fellen honden

Die eerste die hem uolgde nae
Was iudas die felle quade
Hij heeften in sijn doot gheiaeght
Met sinen valschen rade

Doen sloeghen al die honden aen
Die daer waren comen
En hebben desen scoenen hert
Sijn edel lijf ghenoneen^3,4

⁺ Aen een calummen was dese hert
Seer felleclich ghebonden
Met gheeselen met slaghen swaer
Ontfinchij diepe wonden

Dese ouer edel scoene hert
Van eender maght gheboren
Hij was ghecroent al op sijn hoot
Met tweenseuentich doren

Op sijn scouder moesthij draghen
God en creatuere
Dat cruce swaer daer hij aen sterf
Als ons ghtught scrijfture^6,4

⁺ Al op dat cruce wert hij gheleet
Met naghelen vast ghebonden
Daer liet hy hem sijn mijnlijc hert
Met eenen speer doer wonden

+ 77ro

3,4 ghenoneen: verschrijving voor ghenomen.

+ 77vo

6,4 In ghtught is een e weggevallen.

+ 78ro

[p. 197]

8

Daer spronghen vijf riuieren claer

 

Die ons van sonden vrien

 

Diese sdaechs niet eens en gruet

 

Hij maechs hem wel vermien

 

 

9

Daer onder stont sijn moeder goet

 

Met liden swaer beuanghen

 

Sij liet dat sweert des rouwen swaer

 

Al doer haer herte ganghen

 

 

10

⁺ Neuen haer stont sijn minnersse groot

 

Die droeue magdeleene

 

Sij heeft dat alder beste deel

 

Sprac god van haer alleene

 

 

11

Cristus sprac al daer hij hinc

 

Wijf sieter uwen sone

 

Tot sinen iongher sente ian

 

Siet daer dijn moeder schone

 

 

12

O moeder gods o reyne maeght

 

Met uwen kinderen beyde

 

Compt int dure van onser doot

 

Onser zielen doen gheleyde

+ 78vo