Den Bybel met groter neersticheyt ghecorrigeert (Liesveltbijbel 1542)

¶ Hoe den tempel Gods ghesien was indel hemel, met der arcken des testaments, ende vander vrouwen staende inder sonnen metten grooten draeck, ende daer was eenen grooten strijt inden hemel metten engel Michael ende metten draecke.

Dat .xij. Cap.

¶ Die twaelfste Figuere.

[afbeelding]

1

⁺ENde die seuende Enghel basuynde, ende daer zijn grote stemmen inden hemel gheworden, segghende Die rijcke deser werelt zijn ons Heeren ende zijns Christus gheworden, ende sal regneren van eewic-

+ A vers 1

[p. *]

heyt tot eewicheit.

2

Ende die vierentwintich ouders die voor God op haren stoel saten, vielen op haer aensichten ende baden God aen, seggende,

3

Wi dancken v HERE, almogende God, ghi die sijt ende waert, ende toecomende sijt, die v groote cracht hebt aengenomen, ende hebt geregneert,

4

ende die heydenen sijn gram gheworden, ende v gramscap is ghecomen, ende den tijt der dooden, op dat si gheoordeelt souden worden, ende ghi loon soudt geuen uwen knechten den propheten, ende den heylighen, ende den ghenen die uwen naem vreesen, den cleynen ende den grooten ende dat ghijse soudt verderuen, die die aerde bedoruen hebben,

5

ende den tempel Gods wort opghedaen inden hemel, ende die arcke sijns testaments wort in sinen tempel gesien, ende daer gheschieden blixemen, ende stemmen, ende donder, ende aertbeuinghe, ende groten haghel.

6

⁺Ende het openbaerde een groot teeken inden hemel, een vrouwe metter sonnen ghecleet, ende die mane onder haer voeten, ende een crone van twaelf sterren op haer hooft.

+ B vers 6

7

Ende beurucht sijnde, riep si, ende was in kints barens noode, ende wort ghequelt om dat si soude baren

8

Ende daer openbaerde een ander teeken inden hemel, Ende siet, eenen groten rooden draeck hebbende seuen hoofden ende thien hoornen, ende op sijn hoofden seuen cronen, ende sinen ^a steert trecte dat derdendeel der sterren des hemels, ende worpse op die aerde.

a Door den steert verstaetmen alle valsche propheten. Esa. ix c

9

Ende dien draeck stont voor die vrouwe dye baren soude, op dat wanneer si gebaert hadde, hy haer kint soude verslinden, ende si baerden eenen sone een manneken, die alle die heydenen soude regeren met een yseren roede,

10

ende haer kint wert ontruct tot God ende tot sinen stoel,

11

ende die vrouwe vluchte in die woestine, daer hadde si een plaetse van God bereyt, op dat hijse daer voeden soude, duysent twee hondert ende tsestich daghen.

12

† Ende daer stont eenen grooten strijt op inden hemel Michael ende sijn engelen streden teghen den drake, ⁺ ende den draec strijdede ende sine engelen, ende en vermochten niet, Noch haer plaetse en wert ooc niet meer inden hemel gheuonden.

+ C vers 12

13

Ende die grote draecke, die oude slange, die die duyuel ende Sathanas hiet, die die geheele werelt verleyt, wert wt gheworpen, ende wert gheworpen op die aerde, ende sijn engelen sijn met hem wtgeworpen.

14

Ende ick hoorde een groote stemme inden hemel, seggende,

15

Nv is die salicheit ende die cracht, ende dat rijc ons Gods gheworden, ende die macht sijns Christi, want die besculdiger oft aenbrenger onser broeders verworpen is, diese dach ende nacht besculdichde in de tegenwoordicheyt Gods,

16

ende si hebben hem verwonnen door des lams bloet, ende door dat woort haers getuygenis, ende en hebben haer leuen niet bemint totter doot toe.

17

Daerom verblijt v ghi hemelen, ende die daer in wonen. * Wee den ghenen die opter aerden wonen ende op die zee, want die duyuel comt af tot v, hebbende groote gramschap, wetende dat hi luttel oft weynich tijts heeft.

18

Ende na dat den draeck sach dat hi verworpen was op die aerde, ⁺ so veruolchde hi die vrouwe die dat manneken gebaert hadde.

+ D vers 18

19

Ende der vrouwen zijn twee vlogelen eens grooten Arens ghegeuen, op dat si in die woestijne sonde vliegen op haer plaetse, daer si gheuoedt wort eenen tijt, ende tijden, ende eenen haluen tijt voor dat aensicht der slanghen,

20

Ende die slanghe schoot nae die vrouwe wt haren monde een water als eenen stroem, op dat hise soude verdrincken.

21

Ende die aerde halp der vrouwen, ende die aerde dede haren mont op, ende verslont den stroem die den draeck wt sinen monde schoot,

22

Ende den draeck wert toornich op die vrouwe ende ginc wech, om metten anderen van haren sade, die daer Gods gheboden houden, ende hebben dat ghetuyghenisse Iesu Christi eenen strijt te maken, ende hi stont op dat zandt der zee.