Den Bybel met groter neersticheyt ghecorrigeert (Liesveltbijbel 1542)

Die Apostel verbiet strijt ende nijt, vermanende ons dat wi die werelt ende den duuel verloochenen sullen, ende toegaen tot God, ende dat door liefde, ende voort stelt hi vander lieften die, die een totten anderen behoort te hebben.

Dat .iiij. Capittel

1

⁺VAn waer comen strijdingen ende kijuinghen onder v? Comen si niet daer wt? wt dijnre wellusten, die daer in uwe leuen striden?

+ A vers 1

2

Ghi begeert, ende en hebt nyet, ghi benedijt ende haet, ende en connes niet vercrijghen, Ghi kijft ende strijt, ende en hebt niet, daerom, om dat ghi niet en bidt,

3

ghi bidt, ende en ontfanct niet, om dat ghi qualic bidt, te weten daerom, om dat ghijt in uwen wellusten verteert,

4

Ghi ouerspeelders ende ouerspeelderssen, en weet ghi niet, dat die vrientschap der werelt Gods vyantschap is? daerom, die der werelt vrient wil sijn, diesal Gods viant sijn,

5

Of meyndy dat dye scriftuere te vergeefs spreect? Die geest die in v woonet totter benidinge,

6

ende gheeft noch meerder ghenade

7

⁺† Daerom sijt onderdanich God, ⁺ mer wederstaget den duyuel, ende hi vliet van v.

+ B vers 7

+ i.pe. v.b

8

Ghenaket Gode, so sal hi hem v genaken. Reynicht die handen ghi sondaren ende reynicht v herten ghi wanckelmoedige,

9

Sijt allendich, ende draecht rouwe ende weent, Dijn lachen verkeere in weenen, ende die vruecht in trueren,

10

Vernedert v voor God, ende hi sal v verheffen. *

11

Mijn lieue broeders, en wilt gheen achterclap doen, deen onder den anderen, ⁺ Want die achterclap spreect van sinen broeder ende ordeelt sinen broeder die achterclapt die wet, ⁺ ende ordeelt die wet, Ordeeldi die wet, so en sidi geen doender der wet maer een rechter,

+ C vers 11

+ Ioan. xvi.d

12

Daer is een wtgheuer, die can salich maken ende verdoemen, Maer ghi, wie sidy die uwen naesten ordeelt?

13

† Ghi segget, heden oft morgen willen wi in dese oft in die stadt gaen, ende daer een iaer liggen, ende coopen, ⁺ ende winninge doen, ghi die niet en weet wat morgen geschien sal.

+ D vers 13

14

Want wat is v leuen? Het is eenen domp oft roock, die eenen cleynen tijt duert, mer daer na verdwijnt hi,

15

daer voor soudy seggen, ist dat die HERE, wil, ende dat wy leuen, so sullen wi dit oft dat doen

16

Mer nv beroemdi v in uwen hoomoet. Alsulcken beroeminghe is quaedt.

17

Daerom, die weet te doen dat goet, ende en doet des niet, die sondiget. *