Den Bybel met groter neersticheyt ghecorrigeert (Liesveltbijbel 1542)

Hier beghint die ander Epistel die Paulus sandt tot Timotheum.

¶ Die Apostel vermaent Timotheum dat hi sterckelic Christum preken sal, midts datter luttel predicanten sijn.

Dat .I. Capittel.

1

⁺PAulus een Apostel Iesu Christi, door den wille Gods te preken die beloften des leuens in Cristo Iesu.

+ A vers 1

2

Mijnen lieuen sone Timotheo.

Ghenade, ontfermherticheyt, vrede van God den vader ende onsen HERE Iesu Christo.

3

† Ick dancke God dien ick diene vander tijt aen mijnder vooruaders, in reynder conscientie, ⁺ dat ic sonder ophouden uwer ghedencke in mijn gebet dach ende nacht

+ B vers 3

4

ende mi verlanget v te sien (wanneer ic gedachtich ben uwer tranen) op dat ick met blijscap veruult worde,

5

ende vermane mi seluen des ongeueysden gheloofs in v, welc te voren ghewoont heeft in v grootmoeder Loide, ende in uwer moeder Eunice, ende ben des seker dat oock in v.

6

Om welcke sake ic vermane, dat ghi verwect die gaue Gods die in v is, door die oplegginghe mijnder handen,

7

Want God en heeft ons nyet gegeuen den gheest der vreesen, maer die cracht der liefden ende der soberheyt. *

8

† Daeromme en scaemt v niet des ghetuygenisse ons HEREN, noch mijnder, ic die sijn gebonden ben, ⁺ mer lijdt v metten Euangelio, als ic na der cracht Gods,

+ C vers 8

9

die ons heeft salich ghemaect, ende geroepen met een heylige roepinge, niet na onse wercken, mer na sijn opsedt ende genade die ons ghegeuen is in Cristo Iesu, voor der tijt der werelt,

10

maer nv gheopenbaert door die verschijninge ons salichmakers Iesu Cristi, welc den doot sijn macht heeft benomen, mer hi heeft dat leuen verlicht, ende dat onuerganckelijck wesen int licht ghebracht door dat Euangelium,

11

in welcken ic ben gheset een predicaer ende een Apostel, ende een leeraer der Heydenen,

12

om welcker saken ic dit lijde, mer ic en schaems mi niet, Ende ic ben seker dat hi machtich is mijn legginge oft oplegghinge te bewaren tot ghenen dach toe.

13

Houdt v na dat voorbeelt der saliger woorden die ghi van mi ghehoort hebt van tghelooue, ⁺ ende vander liefde in Christo Iesu. *

+ D vers 13

14

Dese goede oplegginghe bewaert door den heyligen geest, die in ons woont.

15

Ghi weet dat van mi afgekeert zijn alle die in Asia zijn, onder welcken is Phighelus ende Hermogenes.

16

Die HERE moet geuen barmherticheit den huyse Onesiphori, want hi heeft mi dicwils vermaect, ende en heeft hem niet ghescaemt mijnder ketenen, maer doen hy te Romen quam, doen socht hi mi seer neerstelic, ende vant mi.

17

Die HERE gheue hem dat hi vinde barmherticheyt, bi den HERE, in ghenen dach.

18

Ende hoe vele hi mi gedient heeft tot Epheso, dat weet ghi beter