Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–Die Apostel leert Timotheum, hoe dat hi ordineren sal dye digniteyten der kercken, also wel vanden bisschoppen als vanden diaconen, ende haerlieder huysurouwen, ende stelt reden ende bewijs vanden voorscreuen dinghen. | |
1Ga naar margenoot+DAt is certeynlic waer, Ist dat yemant eens bisscops ambacht begheert, dien lust een goet werck, | |
2Mer een bisscop sal onstraffelic wesen, alleen eens wijfs man, sober, eerbaer, sedich gastvry, leerachtich, | |
3geen wijnsuyper, niet bijtich, niet begeerlijc des schandelijcken gewins, | |
4mer ghelijc, oft beleeft, niet kijfachtich, niet gierich, die sijn eygen huys wel | |
[pagina *]
| |
voorstaet, Ga naar margenoot+ die ghehoorsaem kinderen hebbe, met alder redelicheit | |
5(Ist dat yemant sinen eygen huyse nyet wel voor en can staen, hoe sal die die vergaderinge Gods besorgen) | |
6gheenen nyeuwelinc, op dat hi hem seluen niet op en blase, ende also inder verlasterders oordeel valle, | |
7Hi moet ooc een goede getuygenisse hebben, van dien die daer buyten sijn, Ga naar margenoot+ op dat hi den lasterder in die smaet ende stricke niet en valle. | |
8Des ghelijcken sullen die dienaers wesen redelick niet met twee tongen sprekende, geen wijnsuypers, niet gierich na schandelic gewin, | |
9die die verborgentheden des geloofs hebben in een reyn conscientie, | |
10ende dese salmen te voren ondersoecken, daer na salmen se laten dienen, wanneer si onstraffelic sijn. | |
11Ga naar margenoot+Des gelijcken die vrouwen sullen wesen redelic, geen lastererssen, sober, getrou in allen dingen, | |
12de dienaers laet wesen een yegelic eens wijfs man, die haer kinderen wel besorgen, ende haer eygen huysghesinne. | |
13Dye wel dienen, die verweruen haer seluen eenen goeden staet, ende een groote vryheyt int gelooue in Christo Iesu | |
14Dese dingen scriue ic v, ende hope opt alder eerste tot v te comen, mer ist sake dat ict vertrecke, dat ghi dan nochtans weet, hoe dat ghi wandelen sult int huys Gods, welc daer is die vergaderinghe des leuendigen Gods, een pylaer ende eenen vasten gront, | |
15Ende kenlic groot is die Godsalige verholentheit, die daer is gheopenbaert int vleesch, gerechtueerdicht inden gheest, verschenen den Engelen, gepreect den Heydenen, vander werelt gelooft, opgenomen inder glorien oft heerlicheyt. |